सिन्धुपाल्चोक– सिन्धुपाल्चोकको भोटेकोशी गाउँपालिका–४ स्थित निर्माणाधीन भोटेकोशी जलविद्युत् आयोजना-१ को ढलान खस्दा दुईजनान कामदार पुरिएका छन् ।
उक्त आयोजनामा निर्माणाधीन डिसेन्डर कभर स्ल्याब भत्किएर खस्दा अन्य १० जना मजदुर घाइते छन् ।
जिल्ला प्रहरी कार्यालय, सिन्धुपाल्चोकका एसपी सन्तोष खड्काले ड्यामतर्फ पानी जाने पट्टीको ढलान खस्दा १० जना मदजुर घाइते भएका बताए।
उनका अनुसार पुरिएका दुई जना मजदुरलाई निकाल्ने कोसिस भइरहेको छ ।
ढलान खसेर पुरिँदा गम्भीर घाइते ७ जनालाई उपचारका लागि धुलिखेल र काठमाडौं पठाउने तयारी भइरहेको छ ।
घाइते १० जनाको अहिले बाह्रबिसेस्थित प्राथमिक अस्पतालमा उपचार भइरहेको प्रहरीले जानकारी दिएको छ ।
प्रतिक्रिया