नयाँ दिल्ली- भारत र जापानबीच संयुक्त सैन्य अभ्यास सञ्चालन भएको छ । जापानी र भारतीय सैनिकहरुले राजस्थानमा संयुक्त सैन्य अभ्यास गरेका हुन् ।

भारतीय सेनाले सामाजिक सञ्जाल एक्समार्फत् यसबारे जानकारी दिएको हो । भारतीय समाचार संस्था एएनआईका अनुसार अभ्यासमा भारतीय स्थल सेना र जापानी स्थल आत्मरक्षा बलका सैनिकहरुको सहभागिता थियो ।

धर्म गार्जियन अभ्यास – २०२४ नाम दिइएको यस अभ्यासमा सैनिकहरुले सैन्य अवरोध र व्यवधानलाई परास्त गर्नेबारे प्रशिक्षण लिएको एएनआईले उल्लेख गरेको छ । यस अभ्यासबाट भारत र जापानबीच कायम सैन्य सम्बन्ध थप सुमधुर हुने अपेक्षा गरिएको छ ।

अभ्यासलाई जापानी स्थल प्रतिरक्षा बलको पूर्वी फौजका कमाण्डिङ जनरलको जिम्मेवारीमा रहेका लेफ्टिनेन्ट जनरल टोगाशी युइचीले पनि निरीक्षण गरेको जनाइएको छ ।