काठमाडौं- प्रधानमन्त्री केपी शर्मा ओलीले प्रतिगमनकारी एजेण्डा बोकेर हिँडेकाहरूले संविधान संशोधनको विरोध गरेको बताएका छन् ।

आइतबार एमाले मुख्यालय च्यासलमा उपाध्यक्ष गुरु बराल र मनोनीत १७ जना केन्द्रीय सदस्यहरूलाई शपथ दिलाउँदै एमाले अध्यक्षसमेत रहेका ओलीले देशको यस्तो बताएका हुन् ।

उनले देशलाई अगाडि लैजान संविधान संशोधन गर्न लागिएको बताए। त्यसैका लागि कांग्रेससँग मिलेको पनि उनले जिकिर गरे । ओलीले संविधान संशोधन गर्नै हुन्न भन्नेहरू लोकतन्त्रको विरोधी रहेको टिप्पणी गरेका छन् ।

‘देशको अग्रगति, समाजको विकास, जनताको प्रगतिका लागि संविधान संशोधन हुन्छ,’ ओलीले भने, ‘संविधान भनेको परिमार्जित हुँदै, संशोधित हुँदै जाने दस्तावेज हो ।’

उनले त्यसकै लागि नेपाली कांग्रेस र नेकपा एमालेको समीकरण बनेको जिकिर गरे । ‘तर, प्रतिगमनकारी एजेन्डा बोकेर हिँडेकाहरूले विरोध गरिरहेका छन्,’ ओलीले भने ।