काठमाडौं – इङ्लिस प्रिमियरसिपको शनिबार राति भएको खेलमा एक गोलले पछिपरेको लिभरपुल खेलमा फर्कँदै ब्रिङटनमाथि २–१ को जित हात पार्न सफल भएको छ।

खेलको ७२ औं मिनेटमा मोहम्मद सलाहले आकर्षक गोल गर्दै टोलीलाई जित दिलाए। यसअघि १४ औं मिनेटमा फर्डी काडिउग्लोको उत्कृष्ट फिनिसिङमा १४ औँ मिनेटमा ब्रिङटनले अग्रता लिएको थियो। ६९ औँ मिनेटमा कर्डी गाप्कोको क्रस सिधै गोलमा परिणत भएपछि लिभरपुल खेलमा फर्किएको थियो।

शनिबार भएका अन्य खेलमा इप्स र लिसेस्टरले १–१ गोलको बराबरी खेले। नटिङघम फरेस्टले वेस्टहामलाई ३–० ले हरायो भने साउथहाम्टन एभरटन माथि १–० को जित हात पार्न सफल भयो।

नटिङघम फरेस्टलाई जित दिलाउने क्रममा कृश उडले शानदार प्रदर्शन गरे। २७ औं मिनेटमा उनले टोलीलाई अग्रता दिलाएका थिए। चालु सिजनको यो उनको आठौँ गोल हो। ६५ औँ मिनेटमा कालुयम हडसन ओडाइले अर्को गोल गरे। ओला आइनाले ७८ औँ मिनेटमा गोल गरे।

अङ्क तालिकामा लिभरपुल १० खेलमा २५ अङ्क सहित शीर्ष स्थानमा छ। म्यानचेस्टर सिटी १० खेलमा २३ अङ्क सहित तेस्रो तथा नटिङघम फरेस्ट १० खेलमा १९ अङ्क सहित तेस्रो स्थानमा छ।