काठमाडौं – नेपाल प्रेस युनियन बेलायतले पत्रकार महासंघ बेलायत शाखाको सदस्यता वितरणमा विभेद गरेको दाबी गरेको छ ।

युनियनका अध्यक्ष विपिन निरौलाले आइतबार एक विज्ञप्ति जारी गर्दै नेपाल पत्रकार महासंघ बेलायत (एफएनजे यूके) शाखाको आसन्न निर्वाचन र सदस्यता वितरणप्रति नेपाल प्रेस युनियन बेलायत शाखाको गम्भीर ध्यानाकर्षण भएको जनाएको छ ।

विज्ञप्तिमा ‘एफएनजे यूकेको पूर्व सदस्य समेत रहेका र यूकेमै रहेर सक्रिय पत्रकारिता समेत गरिरहेका पत्रकार साथीहरूलाई निर्वाचन को मुखमा आएर सदस्यताबाट बञ्चित गरिएको विभेदपूर्ण कार्य तुरुन्त सच्याई सदस्यता प्रदान गर्न महासंघ केन्द्रसँग माग’ गरिएको छ।

युनियनले महासंघ यूके शाखाका तत्कालीन अध्यक्षद्वय ध्रुर्वराज अर्याल र बिपिन निरौला बीचको सहमति अक्षरशः पालना गर्न समेत विज्ञप्तिमार्फत अपिल गरेको छ ।