काठमाडौं – एनफिल्डको घरेलु मैदानमा भएको खेलमा म्यानचेस्टर सिटीलाई २-० ले हराउँदै लिभरपुलले इङ्लिस प्रिमियर सिपको अङ्क तालिकामा अग्रतालाई फराकिलो बनाएको छ।

आइतबारको खेलको १२ औँ मिनेटमा मोहम्मद सलाहको पासमा कोडी गाक्पोले गोल गर्दै लिभरपुललाई पहिलो अग्रता दिलाएका थिए। खेल सकिन १२ मिनेट बाँकी रहँदा प्राप्त पेनाल्टीलाई गोलमा परिणत गर्दै मोहम्मद सलाहले अन्तरलाई अझ फराकिलो बनाए।

यो जितपछि लिभरपुलले अग्रतालाई नौ अङ्कमा लम्ब्याएको छ। शीर्ष स्थानको लिभरपुलको ३४ तथा दोस्रो स्थानको आर्सनलको २५ अङ्क छ। यसैगरी तेस्रो स्थानको चेल्सीको २५ अङ्क छ।

२३ अङ्क रहेको सिटी गोल अन्तरको आधारमा ब्रिङटन भन्दा पछि रहँदै पाँचौँ स्थानमा छ। पछिल्लो सात खेलमा विजय हीन रहेको सिटीको प्रिमियर सिपका पछिल्ला ४ खेलमा पराजित भएको छ।