काठमाडौं- भदौ २१ बाट प्रदर्शनमा आउने फिल्म ‘रावायण’को आइटम गीत ‘करेजा निकरी’ सार्वजनिक भएको छ ।

उक्त गीतमा भारतीय सोनु कक्कर र समिर चौरासियाको स्वर रहेको छ । प्रदीप श्रीवास्तवको शब्द र रेवन आरती सिंहको संगीत छ । निर्माण पक्षका अनुसार यो गीतको रेकर्ड मुम्बईमा गरिएको हो ।

गीतमा पल शाह, प्रकाश शाह, कैलाश रावल र पूर्वमिस नेपाल निकिता चण्डकको नृत्य छ । भिडियोमा निकितालाई ग्याल्मर लुक्समा प्रस्तुत गरिएको छ । यस गीतमा विक्रम स्वारको कोरियोग्राफी हेर्न सकिन्छ ।

यस फिल्मको शीर्ष भूमिकामा पल र पूजा शर्मा रहेका छन् । फिल्ममा पलले दोहोरो चरित्र निर्वाह गरेका छन् । फिल्ममा पल पूजा, प्रकाश, कैलाशसहित प्रियंका कार्की, प्रमोद अग्रहरी लगायतको अभिनय छ ।

सुदर्शन थापा प्रोडक्शन र पूजा शर्मा प्रोडक्शनको संयुक्त ब्यानरमा बनेको यस फिल्मको निर्माता नायिका पूजा स्वयम् हुन् ।

फिल्ममा सुदर्शन थापाको निर्देशन र कथा रहेको छ भने शिवम अधिकारीको लेखन रहेको छ ।

हेर्नुहोस् भिडियोः
www.youtube.com/watch?v=tEA7e-F5wMs