काठमाडौं– स्पेनिस ला लिगा फुटबलमा रियल मड्रिडले जित निकालेको छ । गएराति भएको खेलमा रियल बेटिसलाई २–० गोलले हराउँदै रियल मड्रिडले सहज जित निकालेको हो ।
रियल मड्रिडका लागि दुवै गोल फ्रान्सेली स्टार केलियन एम्बाप्पेले गरेका थिए । उनले खेलको ६७औँ र ७५औँ मिनेटमा गोल गरेका थिए ।
फ्रेन्च टोली पेरिस सेन्ट जर्मेन (पिएसजी) बाट यसै सिजन रियल मड्रिडमा अनुबन्ध भएका एम्बप्पेको ला लिगामा यो पहिलो गोल हो ।
यो जितसँगै रियल मड्रिड ४ खेलबाट ८ अंक जोडेर अंक तालिकाको दोस्रो स्थानमा रहेको छ । शीर्षस्थानमा रहेको बार्सिलोनाको १२ अंक छ । पराजित भएको रियल बेटिस २ अंकसहित १७औँ स्थानमा छ ।
प्रतिक्रिया