रामेछाप– गर्मी बढेसँगै रामेछापमा जुनारको जुस बिक्री पनि बढेको छ ।
जिल्लामा भएका दुईवटा उद्योगबाट झण्डै साढे तीन लाख रुपैयाँ बराबरको हाराहारीमा जुस बिक्री हुने गरेको छ ।
जिल्लामा डिलक्स एग्रो फरेस्ट्री प्रोडक्ट प्रालि र मन्थली डिलक्स एग्रो फरेस्ट्री प्रालि नामका दुई वटा जुस (स्क्वास) उद्योग रहेका छन् ।
उनीहरुले जुनारका अलावा, कागती, किवी, अमला र बेलका जुस पनि उत्पादन गर्ने गरेका छन् ।
जिल्लामा जुनारको जुस प्रतिलिटर एक सय ५० तथा किवीको प्रतिलिटर दुई सय रुपैयाँमा बिक्री हुने गरेको छ ।
अन्य समयभन्दा गर्मीको समयमा जुसको बिक्री बढी हुने गरेको मन्थली डिलक्स एग्रो फरेस्ट्री प्रालि रामेछापका सञ्चालक लोकेन्द्र श्रेष्ठले बताए ।
प्रतिक्रिया