काठमाडौँ – नेपाली कांग्रेसका सभापति शेरबहादुर देउवाले दलहरुप्रति आएको आलोचना र टिप्पणीलाई सकारात्मक रुपमा लिएको बताएका छन् ।

शनिबार पार्टी कार्यालय सानेपामा आयोजित चियापान कार्यक्रममा उहाले कांग्रेस लोकतान्त्रिक पार्टी भएकाले दलहरुप्रति आएको आलोचना र टिप्पणीलाई सकारात्मक रुपमा लिएको बताएका हुन् । उनले राजनीतिक दल र राज्यका संस्थाप्रति विश्वास नघटेको दाबी गरे । देउवाले पार्टीभित्र फरक मत हुन सक्ने भन्दै यसलाई व्यवस्थापन गरिरहेको बताए ।

त्यस्तै नेकपा समाजवादीका अध्यक्ष माधवकुमार नेपालले बिगतमा मुलुक अप्ठेरोमा भएका बेला दल हातेमालो गर्दै अगाडि बढेको भन्दै अवको चूनौतिलाई समाधान गर्न पनि दलहरु एक हुनुपर्ने बताए । मुलप्रवाहका राजनीतिक दलहरुले बाटो बिराए जनताले खवरदारी गर्न सक्ने भएकाले बिचलित नभइ इमान्दारीका साथ देशप्रति समर्पित गर्नुपर्ने उनले बताए ।

चियापान कार्यक्रममा रास्वपाका सभापति रवि लामिछानेले दलबीच सद्भाव बाँड्ने परम्पराका रुपमा चियापान कार्यक्रमलाई लिनुपर्ने जिकिर गरे ।