काठमाडौँ- सप्तरीमा एक इँटाभट्टाको पर्खाल भत्किँदा एक जना भारतीय मजदुरको मृत्यु भएको छ ।

रूपनी गाउँपालिका २ स्थित पिपराहीको जेएसआर इँटा उद्योगको मंगलबार पर्खाल भत्किदा एक जना भारतीय मजदुरको मृत्यु भएको हो । घटनामा दुई जना मजदुर गम्भीर घाइते भएका छन् ।

बिहान ७ बजेतिर इँटा निकाल्ने क्रममा अचानक पर्खाल भत्किँदा भारतको पश्चिम बंगाल राज्य कुच विहार ग्राम पञ्चायत अठरजनी निवासी ४५ वर्षीय अलिम अज्मिको मृत्यु भएको हो ।

पर्खालले चेपिएर गम्भीर घाइते भएका उनको स्थानीय गजेन्द्र नारायण सिंह अस्पतालमा उपचारको क्रममा मृत्यु भएको जिल्ला प्रहरी कार्यालय सप्तरीका प्रवक्ता नरेशकुमार सिंहले जानकारी दिएका छन् ।

घटनामा मृतककी २८ वर्षीया श्रीमती भुजिन बिबी र सोही ठाँउ निवासी २५ वर्षीय जनमालरुल हक घाइते भएका छन । दुबै जनाको अस्पतालमा उपचार भइरहेको छ । घटनाको विषयमा अनुसन्धान भइरहेको प्रवक्ता सिंहको भनाई छ ।