काठमाडौँ- नेपाली सिनेमाका सुपरस्टार शिव श्रेष्ठले ‘शिव दाइ’ नामको पोडकास्ट सञ्चालन गर्ने भएका छन् ।

नेपाली सिनेमा उद्योगमा करिब ४१ वर्ष बिताएका नायक श्रेष्ठले आफ्नो सिनेमा यात्रामा जोडिएका कलाकार, रंगकर्मी तथा अन्य क्षेत्रका विशिष्ट व्यक्तिहरूसँग अन्तरङ्ग कुराकानी गर्ने गरी कार्यक्रम सञ्चालनको तयारी गरेका छन्। उनले आफ्नै नामको च्यानलबाट एक प्रोमो सार्वजनिक गर्दै आफ्नो फिल्मी जीवनमा भोगेका अनकौं भोगाइलाई कार्यक्रममा प्रस्तुत गर्ने जनाएका छन्।

नेपाली फिल्ममा अहिले पनि शीर्ष भूमिकामा रहने श्रेष्ठको पछिल्लो समय सार्वजनिक भएको चलचित्र ‘प्रेम गीत ३’ ले नेपाल र भारतमा लोकप्रियता कमाएको छ।

श्रेष्ठले आफ्नो कार्यक्रममार्फत फिल्म क्षेत्रको अनुभव सेयर गर्नेछन् । उनले प्रोमोमा भावुक हुँदै भनेका छन्, ‘आज मैले रोकेर आफूलाई रोक्न सकिनँ । मलाई बनाउने दर्शक, श्रोतालाई म यस कार्यक्रमबाट सम्झिन सकूँ ।

उनले आफ्नो कार्यक्रममार्फत आफैलाई नजिकबाट चिन्न सक्ने बताएका छन् । उनले एक औपचारिक कार्यक्रममार्फत कार्यक्रमको औपचारिक घोषणा गर्नेछन् ।