काठमाडौँ – सर्वियाका नोभाक जोकोभिच दशौं पटक अस्ट्रेलियन ओपन टेनिसको फाइनलमा प्रवेश गरेका छन्।
मेलबर्नमा शुक्रबार भएको दोस्रो सेमिफाइनलमा अमेरिकी खेलाडी टोमी पाउललाई ३-० को सोझो सेटमा हराउँदै जोकोभिचले फाइनलको यात्रा तय गरेका हुन् ।
९ पटकको च्याम्पियन जोकोभिचले टोमीलाई ७-५, ६-१ र ६-२ ले पराजित गरे । अस्ट्रेलियन ओपनमा पुरुष एकलतर्फ जोकोभिचको यो लगातार २७ औं जित हो।
सन् २०१८ यता मेलबर्न पार्कमा जोकोभिचलाई कुनै पनि खेलाडीले पराजित गर्न सकेका छैनन्। जोकोभिच दशौँ पटक अष्ट्रेलियन ओपन जित्ने योजनामा रहेका छन् ।
अब जोकोभिचले उपाधिका लागि ग्रीसका स्टेफानोस सित्सिपाससँग खेल्नेछन् ।
प्रतिक्रिया