काठमाडौं- बलिउड नायिकाहरु एकपछि अर्को गर्दै ‘डिप फेक’ भिडियोको शिकार भइरहेका छन् । यसबाट नायिका अलिया भट्ट पनि पीडित बनेकी छिन् ।

‘डिप फेक’ प्रविधि प्रयोग गरेर बनाइएको आलियाको अश्लील भिडियो अहिले सामाजिक सञ्जालमा भाइरल भइरहेको छ । जसमा एक युवतीले ‘बेड’ मा अश्लील हर्कक गरेको देखिन्छ । त्यस भिडियोमा ‘डिप फेक’ प्रविधिको प्रयोग गरी आलियाको अनुहार राखिएको छ ।

को को प्रभावित बने ‘डिप फेक’ भिडियोबाट ?

‘डिप फेक’ प्रविधिको प्रयोग गरेर सेलिब्रिटीको अश्लील भिडियो सार्वजनिक भइरहेका छन् । ती भिडियो प्रायः सबै भाइरल भएका छन्, जसले गर्दा उनीहरुको चरित्रमै प्रश्न उठेको छ ।

यस्ता भिडियोबाट लिड नायिकाहरु काजोल अग्रवाल, कट्रिना कैफ र रश्मिका मन्दना समेत पीडित बनिसकेका छन् । रश्मिकाको भिडियो भइरल बन्दा बलउिड महानायक अमिताभ बच्चनले समेत चासो देखाएर स्ट्याटस लेखेका थिए– यो ठूलो कानुनी विषय हो ।

रश्मिकाले आफू पीडित बन्दा नै यसबारेमा सचेत हुन अरुलाई आग्रह गरेकी थिइन् । उनले भनेकी थिइन्– यो डरलाग्दो छ । प्रविधिको दुरुपयोग हुँदा हामी सबै जोखिमा छौं ।

बलिउडमा अहिले रश्मिकाले भनेजस्तै भनेको छ । अब यो सूचीमा अलिया पनि थपिएकी छिन् । तर, उनले यसबारे कुनै प्रतिक्रिया दिएकी छैनन् । उनका समर्थकले भने कडा आपत्ति जनाएका छन् ।

के हो ‘डिप फेक’ भिडियो ?

‘डिप फेक’ भिडियो ‘मेसिन लर्निङ’ र ‘फेस स्वापिङ’ सफ्टवेयरको प्रयोग गरेर बनाइने नक्कली भिडियो हो ।

जसको प्रयोग गरेर एक व्यक्तिको अनुहार अर्को भिडियोमा राख्न सकिन्छ । जुन सामान्य मानिसले हेर्दा साच्चिकै जस्तो लाग्छ । यो प्रविधि प्रयोग गरेर बनाइएको भिडियो सामान्य मानिसले छुट्याउनै नसक्ने खालको हुन्छ ।

पछिल्लो समय यो सुविधाको दुरुपयोग बढेको छ । चरित्रहत्या गर्नेजस्ता अपराधिक क्रियाकलापमा यसको प्रयोग भएको पाइन्छ । जसको शिकारमा नायिकहरु बढी परेका छन् । केही नेपालीहरुको डिप फेक भिडियो पनि सामाजिक सञ्जालमा अपलोड भएको पाइन्छ ।