काठमाडौं — साताको कारोबारको दोश्रो दिन सोमबार सेयर बजार मापक नेप्से परिसूचक बढेको छ । आइतबार तुलनामा नेप्से परिसूचक १७.७० अंकले बढेर १९०६.०० बिन्दुमा पुगेको हो ।

सोमबार नेप्सेमा कुल २६१ कम्पनीको ४३ लाख ८ हजार ६ सय ४५ कित्ता सेयर खरिद बिक्री हुँदा १ अर्ब ३८ करोडमाथिको सेयर कारोबार भएको छ । सोमबार सबैभन्दा बढी कारोबार हिमालयन डिष्ट्रिलरीको भएको छ ।

यस कम्पनीको ५ करोड ९० लाख ८० हजार ७ सय ६३ रुपैयाँ ५० पैसा बराबरको सेयर कारोबार भएको हो । यस्तै सोमबारको सेयर बजारमा सुपर माई हाइड्रोपावर लिमिटेडका लगानीकर्ताहरुले मनग्य पैसा छापेका छन् ।

यस कम्पनीको सयेर मूल्यमा पोजेटिभ सर्किट लागेको छ । यस अलावा एसियन हाइड्रोपावर, कालिन्चोक दर्शन, अजोड इन्स्योरेन्स, लक्ष्मी लघुवित्त वित्तिय संस्था र अपर सोलु हाइड्रो इलेक्ट्रिकका लगानीकर्ता पनि मालामाल भएका छन् ।