काठमाडौं – नेपाल सुपर लिग (एनएसएल) को इलिमिनेटरमा आज साविक विजेता काठमाडौं रेजर्स र ललितपुर सिटी खेल्दैछन् । यो खेल बेलुका साढे ५ बजे दशरथ रङ्गशालामा हुनेछ ।
शनिवार भएको लिग चरणको अन्तिम खेलमा ललितपुर सिटीलाई १-० ले हराउँदै काठमाडौं तेस्रो स्थानमा रहेर प्लेअफमा पुगेको हो भने पराजित भएको ललितपुर चौथो स्थानमा रहेर प्लेअफमा पुगेको थियो ।
हिजो भएको पहिलो क्वालिफायरमा पोखरा थन्डर्सलाई पेनाल्टीमा हराउँदै धनगढी फाइनलमा पुगेको छ ।
अब आजको खेलमा विजयी हुने टोलीसँग पोखराले फाइनल पुग्न दोस्रो क्वालिफायर खेल्नेछ । यो खेल बिहीवार हनेछ । यसको विजेताले आउँदो शनिबार हुने फाइनल खेलमा धनगढीसँग खेल्नेछ ।
प्रतिक्रिया