वाशिंटन- अब अमेरिकामा रहेका भारतीय मूलका व्यक्तिहरुले एच-१ बी भिसा नवीकरणका लागि अमेरिकाबाहिर जानु नपर्ने भएको छ । अमेरिका भ्रमणका क्रममा भारतीय प्रधानमन्त्री नरेन्द्र मोदीले अब अमेरिकामा रहेका भारतीय मूलका व्यक्तिहरुले एच-१ बी भिसा नवीकरणका लागि अमेरिकाबाहिर जानु नपर्ने घोषणा गरेका हुन् ।

अमेरिकाको वाशिंटनमा रहेको रोनाल्ड रेगन भवनमा सम्बोधन गर्दै उनले अमेरिकाले अमेरिकाका थप दुई सहरमा वाणिज्य दूतावास खोल्ने समेत घोषणा गरे । भिसासम्बन्धी नयाँ व्यवस्थाले अमेरिकामा रहेका भारतीयहरूलाई सहज हुने उनको भनाइ छ ।

प्रधानमन्त्री मोदी अमेरिकी राष्ट्रपति जो बाइडेन र प्रथम महिला जिल बाइडेनको निमन्त्रणामा अमेरिकाको राजकीय भ्रमणमा रहेका थिए । अमेरिका भ्रमणका क्रममा उनले उच्चस्तरीय भेटवार्ता गर्नुका साथै विभिन्न सभालाई सम्बोधन समेत गरेका थिए ।