काठमाडौं- बलिउड अभिनेता शाहरुख खानको मुख्य भूमिका रहेको डंकीले तीन दिनमा विश्वभर एक सय करोडको व्यापार गरेको छ ।

कमजोर ओपनिङ गरेको यस फिल्मले सुरुवाती दुई दिनमा उत्साहनजनक व्यापार गर्न सकेको थिएन ।

राजकुमार हिरानी निर्देशित डंगी २१ डिसेम्बरबाट प्रदर्शनमा आएको हो । पहिलो दिन यस फिल्मले घरेलु बजारमा २९ करोडको व्यापार गरेको थियो । दोस्रो दिन भने २० करोडको व्यापार गरेको थियो ।

तेस्रो दिन भने यस फिल्मको व्यापारमा वृद्धि भएको छ । तेस्रो दिन २५ करोडको व्यापार गर्दै दोस्रो दिनको भन्दा ५ करोड बढी आम्दानी गरेको छ । तीन दिनमा घरेलु बजारमै मात्र ७४.८२ करोडको व्यापार गरेको छ ।

फिल्मको निर्माण कम्पनी रेड चिलिजले दिएको जानकारअनुसार तेस्रो दिनसम्म १०३.४ करोडको व्यापार भएको छ ।

तेलुगू सुपरस्टार प्रभासको ‘सलार’सँग जुधेँको यस फिल्म तेस्रो तीन व्यापार बढेकाले आगामी दिन राम्रो प्रभाव पर्ने बताइएको छ ।