विस्खेक- आतंकवाद र उग्रवादविरुद्ध सहकार्य गर्न मध्य एसियाली मुलुक किर्गिजस्तान र भारत सहमत भएका छन् । किर्गिजस्तानको राजधानी विस्खेकमा आयोजित सुरक्षा बैठकमा दुई मुलुकबीच रक्षा क्षेत्रमा सककार्य बढाउने विषयमा सहमती भएको हो ।

बैठकमा भारतका उप राष्ट्रिय सुरक्षा सल्लाहकार विक्रम मिस्री र किर्गिज गणतन्त्रको सुरक्षा परिषदका सचिव मरात मुकानोभिच इमानकुलोभ सहभागी रहेको भारतीय समचार संस्था इकोनोमिक टाइम्सले जनाएको छ । विस्खेक भ्रमणका क्रममा म्रिसीले किर्गिज गणतन्त्रका विदेशमन्त्री झिनबेक कुलुबयेभसँग पनि भेटवार्ता गरेको जनाइएको छ ।

भेटवार्तामा द्विपक्षीय सम्बन्ध, आपसी सहकार्य र अफगानिस्तानमा विकसित घटनाक्रमबारे पनि चर्चा भएको विस्खेकस्थित भारतीय राजदूतावासले जानकारी दिएको छ ।