काठमाडौँ- वैदेशिक रोजगारीमा रहेका श्रमिकलाई बुधबारबाट योगदानमा आधारित सामाजिक सुरक्षा कोषमा आबद्ध हुनका लागि बाटो खुलेको छ ।
पेन्सनसहितको सुविधा पाउने गरी योगदानमा आधारित सामाजिक सुरक्षा कोषमा समावेश हुने भएसँगै वैदेशिक रोजगारीमा रहेका श्रमिकलाई आबद्धताको बाटो खुलेको हो ।
आज आयोजित एक विशेष कार्यक्रममा प्रधानमन्त्री पुष्पकमल दाहाल प्रचण्डले वैदेशिक रोजगारीका क्रममा इजरायलमा रहेकी मन्जु थपलियाका श्रीमान् गोपाल संग्रौलालाई सामाजिक सुरक्षाको परिचयपत्र दिएर यसको उद्घाटन गरेका हुन् ।
प्रधानमन्त्रीले परिचयपत्र वितरण गरेसँगै अब विदेशमा रहेका नेपाली कामदारले सामाजिक सुरक्षा कोषमा आबद्ध हुनको लागि आवेदन दिन पाउने बाटो खुल्ला भएको छ ।
प्रतिक्रिया