काठमाडौं- भिसाले आयोजना गरेको भिसा लिडरसिप कनक्लेभ २०२३ मा हिमालयन बैंक सम्मानित भएको छ ।

अमेरिकन एक्स्प्रेस, जेसीबी मास्टरकार्ड, युनियन पे तथा भिसा जस्ता विश्व प्रख्यात ब्राण्डका कार्ड स्वीकार गर्ने हिमालयन बैंक ‘एक्सिलेन्स इन पोस अक्वायरिङ बिजनेस–२०२३’ र ‘एक्सिलेन्स इन कन्जुमभर कार्डस् प्रिपेड–२०२३’ अवार्ड बाट सम्मनित भएको छ ।

भिसाद्वारा आयोजित एक समारोहमा डेपुटी गभर्नर बमबहादुर मिश्र, नेपालका लागि भिसाका प्रतिनिधि बासु सौम्यलगायत अतिथिको उपस्थितिमा दुबै अवार्ड प्रदान गरी सम्मान गरिएको थियो ।

बैंकले विगतका वर्षहरु देखिनै यो विधामा उक्त अवार्ड प्राप्त गर्दै आइरहेको छ । हिमालयन बैंक नेपालको एक मात्र बैंक हो जसले विश्वका विभिन्न प्रसिद्ध कार्डहरु आफ्नो नेटवर्कमा स्वीकार गर्ने गर्दछ । विश्वभर प्रचलनमा रहेको प्रसिद्ध कार्ड ब्राण्डहरु स्वीकार गर्ने भएकोले स्वदेशी तथा विदेशी ग्राहकहरुलाई आफ्नो कार्डबाट भुक्तानी गर्न सहज हुदै आइरहेको बैंकले जनाएको छ ।

डिसकभर तथा रुपे ब्राण्डका कार्डहरु पनि आफ्नो नेटवर्कमा स्वीकार गर्न सुरु गरेको बैंकले जानकारी दिएको छ ।