इटाली- इटालीको एउटा सैलुनमा तालु खुइलिएका मान्छेको भीड लागेपछि प्रहरीले छापा मार्दा लागूऔषध फेला परेको छ ।

इटालीको जेनोआ सहरमा रहेको सैलुनमा तालु खुइलिएका र दारी नभएका मान्छेको भीड लागेपछि प्रहरीले आशङ्का गरी छापा मारेको हो । छापा मार्ने क्रममा लागूऔषध कारोबारी प्रहरीको फन्दामा परेका थिए ।

जेनोआको फोसे क्षेत्रमा लागूऔषध कारोबार भइरहेको सूचना पाएपनि प्रहरीले ठोस सबुत हात पार्न सकेको थिएन ।

सो क्षेत्रमा हुने शङ्कास्पद गतिविधिको निगरानीका लागि प्रहरीले टोली खटाएसँगै उक्त सैलुनमा तालु खुइलिएका र दारी नभएका मानिसको भीड हुने गरेको पत्ता लागेको थियो ।

५५ वर्षीय पुरुषले सञ्चालन गरेको उक्त सैलुनमा आउने मानिस बाहिर निस्किँदा पनि जस्ताकोतस्तै देखिन्थे । पछि थप अनुसन्धान गर्दै जाँदा त्यस ठाउँमा लागूऔषधको कारोबार हुने गरेको खुलेको थियो । प्रहरीले त्यहाँ छापा मार्दा चरेश, कोकेनजस्ता लागूऔषध फेला परेको थियो । प्रहरीले सैलुन सञ्चालकलाई पक्राउ गरी कारागार चालन गरेको छ ।