लाग्छ मलाई

३० मंसिर २०८०, शनिबार

पढ्न लाग्ने समय : < 1 मिनेट

नसोध भो तिम्रो माया, कति लाग्छ मलाई
म शिव भए, तिमी पार्वती लाग्छ मलाई

कहिले मन आत्तिन्छ र भो बोल्दिन भन्छु
फेरि झस्किन्छु बिग्र्‍यो मेरै मति लाग्छ मलाई

उस्ले वास्तै गर्दिन, के हिँड्नु त्यो बाटो लाग्छ
एक दिन देख्न नपाउँदा नै, अति लाग्छ मलाई

एकैपटक भनी देउन के छ तिम्रो मनभित्र ?
त्यत्ति माया लाग्छ र मेरो ! जत्ति लाग्छ मलाई ?

डर छ, कहिँ तिम्रो यादमा, भुल्छु कि दैव नै
तिमी पूजा, तिमी नै आरती लाग्छ मलाई

वीरेन्द्रनगर नगरपालिका–१, सुर्खेत

प्रकाशित मिति : ३० मंसिर २०८०, शनिबार ८ : २३ बजे

प्रतिक्रिया