काठमाडौं – युएई एसिसी यू–१९ एसिया कपको फाइनलमा पुगेको छ । यो युएई क्रिकेटको हालसम्मकै ठूलो सफलता हो ।

सेमिफाइनलमा पाकिस्तानलाई हराउँदै यूएई पहिलो पटक यू-१९ एसिया कप क्रिकेटको फाइनलमा पुगेको हो ।

युएईले सेमिफाइनलमा पाकिस्तानलाई ११ रनले हरायो । यूएईले दिएको १ सय ९४ रनको लक्ष्य पछ्याएको पाकिस्तानले ४९ ओभर ३ बलमा १ सय ८२ रन बनाउँदा अल आउट भयो ।

पहिला ब्याटिङ गरेको युएईले ४७.५ ओभरमा १९३ रन बनाएको थियो । युएईका कप्तान आयान खानले ५५ रन बनाए । ओपनर आर्यन्स शर्मा ४६ रनमा आउट हुँदा इथान डि सोउजाले ३७ रन बनाए ।

पाकिस्तानका उद्धेड साहले ४ विकेट लिए । जवाफी ब्याटिङ गरेको पाकिस्तान अन्तिम तीन बल बाँकी छदै १८२ रनमा अलआउट भयो ।

पाकिस्तानका कप्तान साद बैगले ५० रन बनाए पनि टिमलाई जित दिलाउन सकेनन् ।