काठमाडौँ– सातौं संस्करणको एनभिए महिला तथा पुरुष राष्ट्रिय भलिबल क्लब लिगमा आज फाइनल खेल हुँदैछ ।

काठमाडौँको त्रिपुरेश्वरस्थित कभर्डहलमा हुने महिला स्पर्धाको फाइनलमा पुलिसले एपीएफसँग प्रतिस्पर्धा गर्नेछ भने पुरुषतर्फ पुलिसले हेल्प नेपालसँग खेल्नेछ ।

महिलातर्फको फाइनल खेल मध्याह्न १२ बजे र पुरुषतर्फको खेल दिउँसो ३ बजे हुनेछ ।

प्रतियोगितामा प्रथम, द्वितीय, तृतीय र चतुर्थ स्थान प्राप्त गर्ने टिमहरुले क्रमशः ६ लाख, ३ लाख, १ लाख ५० हजार र ७५ हजार रुपैयाँ प्राप्त गर्ने छन् ।

प्रतियोगितामा पुरुष तथा महिलातर्फ सर्वोत्कृष्ट खेलाडीले ३५–३५ हजार तथा उत्कृष्ट सर्भर, सेटर, ब्लकर, स्पाईकर, लिवेरो र प्रशिक्षकले जनही १५ हजार रुपैयाँ प्राप्त गर्नेछन्।