पाँचथर – पाँचथरमा भीरबाट लड्दा वृद्धको मृत्यु भएको छ।
मिक्लाजुङ गाउँपालिका-७ स्थित भीरबाट लड्दा ७३ वर्षीय हस्तबहादुर लिम्बूको मृत्यु भएको हो।
जिल्ला प्रहरी कार्यालय पाँचथरका सूचना अधिकारी सन्तोष राईका अनुसार श्रीमती सरिता लिम्बू र २ जना छोराछोरीसहित पाँचथर ससुराली घर आउने क्रममा गत माघ २९ गते भीरबाट लडेर उनको निधन भएको हो। भीरबाट लडेका हस्तबहादुरको मंगलबार मात्रै शव भेटिएको हो।
प्रहरी चौकी खान्द्रोङबाट खटेका प्रहरी र स्थानीयले खोजी गर्दा भीरबाट लडेका हस्तबहादुरलाई शव फेला पारेको हो। प्रहरीले आवश्यक कानुनी प्रक्रिया पुरा गरी शवलाई आफन्तजनलाई जिम्मा लगाएको छ।
प्रतिक्रिया