दोहा – नेपाली दूतावास कुवेतको आयोजनामा त्यहाँ कार्यरत नेपालीहरूको स्वास्थ्य स्थितिलाई मध्यनजर गर्दै दूतावास परिसरमा शुक्रबार एक दिने निःशुल्क स्वास्थ्य शिविर सम्पन्न गरेको छ ।

शिविरमा कुवेतमा कार्यरत चिकित्सकहरूले उपस्थित नेपालीहरूको प्रारम्भिक स्वास्थ्य परीक्षण रक्तचाप, ब्लड सुगर (मधुमेह), हड्डी, दाँत, गिजा, मुख आदिको परीक्षण गर्नुका साथै बाल दन्त चिकित्सक डा. सुमन्त मिश्राले दाँत तथा मुखको स्वास्थ्य जानकारी दिएका थिए ।

कार्यक्रममा कुवेतका लागि नेपाली राजदूत दुर्गाप्रसाद भण्डारीले शिविरको महत्त्वबारे प्रकाश पार्दै, दूतावासको आह्वानलाई स्वीकार गरी शिविरमा उत्साहपूर्वक उपस्थित भएकोमा स्वास्थ्य परीक्षणमा सहभागी सबैलाई धन्यवाद दिए ।

राजदूत भण्डारीले कार्यक्रम सफलतापूर्वक सम्पन्न गर्न चिकित्सकहरूको सेवा निःशुल्क उपलब्ध गराउने स्थानीय हाला सुपर स्पेशलिटी मेडिकल सेन्टरका सीईओ नासिर अहमद याकुबले सेवा प्रदान गर्ने चिकित्सक तथा स्वास्थ्यकर्मीहरूलाई विशेष धन्यवाद दिएका थिए ।