महिलाहरू आफ्नो सुन्दरताप्रति निकै सचेत रहने गर्दछन् । आधुनिकतासँगै शृंगारका सामग्रीको विकासले महिलालाई यसमा ठूलो सहयोग गरेको छ ।

परापूर्वकालदेखि नै महिलाले सोह्र श्रृंगार गर्नु पर्छ भन्ने मान्यता स्थापित छ ।

पछिल्लो समय महिलाहरूले हजारौँ रुपैयाँ खर्च गरेर आफूलाई सुन्दर देखाउने फेसन जस्तै बनेको छ ।

तर, पनि कतिपय महिलालाई अनुहारमा आउने रौँले निकै सताउने गरेको छ । यसलाई हटाउन महिलाहरूले अनेक प्रविधि अपनाउने गरेका छन् ।

कतिपय महिलाको माथिल्लो ओठमा पुरुषमा जस्तै जुँगाको रेखी देखिने गर्छ । तर यो पुरुषको जस्तो गाडा कालो तथा बाक्लो भने हुँदैन ।

आखिर महिलामा किन देखिन्छ जुँगाको रेखा ? आज हामी यसैका बारेमा चर्चा गर्नेछौँ । 

महिलाको शरीरमा पुरुष हर्मोन एस्ट्रोजन बढी भयो भने ओठ लगायत अनुहारमा पनि रौँ आउने गर्छ ।

एशियाली र अफ्रिकी मूलका महिलामा यस्तो समस्या बढी देखिन्छ । त्यस्तै वंशाणुगत समस्याका कारण पनि महिलामा बढीमा मात्रामा रौँ आउने गर्दछ ।

यसका साथै महिलामा कुनै औषधीको असर र पोलिसाइटिक ओभरी सिनड्रोम (पीओएस) ले पनि केही महिलाको अनुहारमा रौँ आउने चिकित्सकहरू बताउँछन् ।