दोहा- ओमानका लागि नेपाली राजदूत डोरनाथ अर्याल र ओमानको श्रम मन्त्रालयका अन्डरसेक्रेटरी शेख नसर अमुर अल होस्नीबीच भेटवार्ता भएको छ ।
बुधबार राजदूत अर्यालले श्रम मन्त्रालयका अन्डरसेक्रेटरी अल होस्नीसँग भेटवार्ता गरेको मस्कटस्थित नेपाली दूतावासले जनाएको छ ।
भेटको अवसरमा द्विपक्षीय सहयोग, श्रम सम्झौता, कामदारका विविध समस्याहरू, मानव तस्करी लगायतको विषयमा छलफल भएको थियो ।
भेटवार्तामा ओमानको तर्फबाट सम्बन्धित महाशाखा तथा अन्तर्राष्ट्रिय सम्बन्ध महाशाखा प्रमुख तथा कर्मचारीहरू र नेपाली दूतावासका प्रथम सचिव सोमेश थापा तथा श्रम सहचारी गोविन्दप्रसाद आचार्यको समेत उपस्थिति थियो ।
प्रतिक्रिया