अबुधाबी- संयुक्त अरब इमिरेट्स (युएई) ले सुडानमा सहायता सामग्री पठाएको छ । युएईले द्वन्द्वबाट प्रभावित हजारौं परिवारलाई तत्काल सहयोग प्रदान गर्न इमिरेट्स एयरलाइन्समार्फत ३० टन आधारभूत खाद्य सामग्रीको पहिलो खेप सुडान पठाएको हो ।
युएईको राहतले वर्तमान परिस्थितिको कारण मानवीय पीडालाई कम गर्ने अपेक्षा गरिएको छ । सुडानमा जारी द्वन्द्वले आधारभूत सेवाहरूको गम्भीर अभाव निम्त्याएको छ । यस कारण सुडानमा जनङ्ख्याको ठूलो भाग, विशेषगरी बिरामी, बच्चाहरू, वृद्धहरू र महिलाहरूलाई खाद्य अभाव भएको छ ।
द्वन्द्व सुरु भएयता सुडानमा अवतरण गर्ने यो पहिलो अन्तर्राष्ट्रिय राहत प्याकेज हो ।
प्रतिक्रिया