काठमाडौँ- वर्डप्रेस प्रयोगकर्ताहरूलाई लक्षित गरी राजधानीमा ‘वर्डक्याम्प काठमाडौँ २०२३’ कार्यक्रम हुने भएको छ ।
सोमबार विज्ञप्ति जारी गर्दै आयोजकले आगामी भदौ २२ र २३ गते राजधानीमा वर्डक्याम्प काठमाडौँ २०२३ आयोजना गर्न लागिएको जानकारी दिएको हो ।
बहुमुखी प्लेटफर्मका रुपमा रहेको वर्डप्रेस कुनै पनि प्रकारको वेबसाइट निर्माण गर्न प्रयोग गरिन्छ । साधारणदेखि जटिल वेबसाइट निर्माणमा प्रयोग हुने वर्डप्रेस एक निशुल्क र खुला स्रोत सामग्री व्यवस्थापन प्रणाली (सीएमएस) हो ।
कार्यक्रममा सामान्य प्रयोगकर्तादेखि डेभलपरसम्मले जानकारी र अनुभव आदानप्रदान गर्ने आयोजकले जनाएको छ ।
प्रतिक्रिया