काठमाडौँ– गायक दिपेश श्रेष्ठ वैद्यको नयाँ गीत ‘झम्के बुलाकी’ सार्वजनिक गरिएको छ । गायक श्रेष्ठको आवाजमा रहेको यो गीतमा शब्द पनि उनी आफैँले कोरेका छन् । गीतमा नरेश के सी र भावना पुन मगरको अभिनय रहेको छ ।

रुकुमको पूर्व पट्टि पर्ने तकसेराको लोभलाग्दो दृश्य गीतको भिडियोमा समावेश गरिएको छ । साथै उक्त भिडियोमा रुकुमको मौलिकता झल्काउन खोजिएको छ । खासगरी गाउले परिवेशमा एउटा युवकले युवती फकाउन कस्तो कस्तो जुक्ति अपनाउँछ भन्ने स्पष्ट पारेको छ। ‘झम्के बुलाकी’ स्टार म्युजिक अवार्डमा उत्कृष्ट नव प्रतिभामा समेत पर्न सफल भएको छ।

पछिल्लाे समय लोक ब्लूज विधामा आधारित याे गीत युवाहरूमाझ लोकप्रिय बनेकाे छ।