काठमाडौँ – साइकल संस्कृति अभियानको समन्वयमा शनिबार साइकल र्‍यालीको आयोजना गरिएको छ।

विश्व साइकल दिवसको अवसरमा अभियानले कीर्तिपुरदेखि दरबारमार्गसम्म साइकल र्‍यालीको आयोजना गरेको हो।

साइकल संस्कृतिको विकास र विस्तार गर्ने उद्देश्यले कार्यक्रमको आयोजना गरिएको आयोजकले जनाएको छ। कार्यक्रमले नेपालमा साइकल कानून, पूर्वाधार र सिर्जनात्मक साइकल अभियानलाई टेवा पुग्ने आयोजकको विश्वास छ।

बिहान ६ बजे कीर्तिपुरस्थित त्रिभुवन विश्वविद्यालयको मैदानबाट सुरु हुने र्‍याली बल्खु, एकान्तकुना, जावलाखेल, थापाथली, माइतीघर मण्डला, सुन्धारा हुँदै दरबारमार्गमा पुगेर समापन हुनेछ।

र्‍यालीमा सहभागीताका लागि अनलाइनमार्फत फारम भर्न यहाँ क्लिक गर्न सकिन्छ। र्‍यालीमा सहभागी मध्ये गोलाप्रथाबाट छनोट गरी तीनजनालाई आकर्षक साइकल प्रदान गरिने छ।

र्‍यालीको सहआयोजकमा नेपाल साइकल सोसाइटी, साइकल सिटी नेटवर्क नेपाल, नेपाल घाँचा पुच्छ, महिला साइकल नेपाल, काठमाडौं साइकल ग्रुप, काष्ठमण्डप साइकल ग्रुप, वल्र्ड साइकल क्लब नेपाल, महिलाका लागि महिला, चन्द्रागिरि राइडर्स क्लब, लायन्स क्लब अफ काठमाडौँ, साइकल सिटी, साइकल क्लब धुलिखेल, बुढानीलकण्ठ साइक्लिङ क्लब, पंगा राइडर्स क्लब, हिमाली राइडर्स, खबरहबडककम, रेडियो क्यान्डिड र एभीन्यूज टेलिभिजन सहआयोजक रहेका छन्।