मुम्बई – फिल्ममेकर विपुल शाहको ‘द केरल स्टोरी’ले निकै चर्चा परिचर्चा कमाइरहेको छ। यो फिल्मले बक्स अफिसमा पनि धमाल मचाइरहेको छ।

तर, कलाकार नसीरुद्दीन शाह भने यो फिल्मलाई अलग्गै नजरले हेर्छन्। उनी भन्छन्, म यो फिल्म हेर्न चाहन्न। यत्रो ‘अफवाह’, भीडका कारणले मात्र यो फिल्मले बक्स अफिसमा राम्रो कलेक्सन गरेको हो।

नसुरुद्दीन शाहले यस खाले प्रवृत्तिलाई जर्मनीको नाजीवादसँग जोडेका छन्। हिटलरको पालामा सरकार वा नेताहरूले फिल्म निर्मातालाई आफ्नोबारे फिल्म बनाउन लगाउने र त्यस फिल्मले सरकारले गरेको कामको प्रशंसा गर्ने गरेको उनी सम्झन्छन्। जसकाकारण राम्रा धेरै फिल्म मेकरहरु जर्मनी छोडेर हलिउड गए। उनका अनुसार अहिले भारतमा पनि हिटलरको समयकालको याद गराउने गरी सिनेमा निर्माणको काम सुरु भएको छ।

अभिनेता कमल हसन र कोलकाताका फिल्ममेकर अनिक चौधरीले पनि यसलाई ‘प्रोपगाण्डा फिल्म’ भनेका छन्, जसका कारण सामाजिक सञ्जालमा उनको निकै आलोचना भइरहेको छ।

अदा शर्मा स्टारर फिल्म  ‘द केरला स्टोरी’ कथा बलियो भएकाले रिलिज अघि नै चर्चामा आयो। रिलिज भएको केही साता बितिसक्दा पनि यो चलचित्रलाई लिएर विभिन्न किसिमका बहस जारी छन्। तर, विवादका बाबजुद पनि यो फिल्मलाई दर्शकले रुचाइरहेका छन्।

धेरैले यो फिल्मलाई सकारात्मक प्रतिक्रिया दिइरहेका छन्।