गुल्मी– नेपालमा अहिले कोभिडविरुद्धो खोप अभियान चलिरहेको छ ।

स्थानीयस्तरमा खोप लगाउने अभियान चलिरहँदा महिला स्वास्थ्य स्वयंसेविकाले खोपको परामर्शसहित स्वमंसेवामात्र गरिरहेका छैनन् । असक्त र खोपकेन्द्रसम्म जान नसक्नेलाई आफैँले बोकेर खोप लगाउन लैजाने गरेका छन् ।

यो तस्वीर पनि एक महिला स्वयंसेविकाले खोप लगाउन एक असक्त वृद्धालाई खोपकेन्द्र लैजाँदै गरेको हो ।

गुल्मीको गुल्मीदरबार गाउँपालिका वडा नं. ३ मा कार्यरत सामुदायिक महिला स्वास्थ्य स्वयंसेविका लिला थापाले सोही ठाउँकै ७९ वर्षिया बृद्धा देवकली टन्डनलाई कोभिड-१९ बिरुद्धको खोप लगाउन बोकेर स्वास्थ्य चौकी पुर्‍याएकी छन् ।

गाउँमा यातायातको सुविधा नहुँदा महिला स्वास्थ्य स्वयंसेविकाले बोकेर लगेको तस्वीर राससका हुमाकान्त पोखरेलले खिचेका हुन् ।