काठमाडौं– अमेरिकाले युक्रेनी फौजलाई तालिम दिन शुरु गरेको छ । अमेरिकी रक्षा प्रशासन पेन्टागनका प्रवक्ता जोन किरबीले युक्रेनी सैनिकलाई जर्मनीमा रहेको अमेरिकी सैनिक आधारमा तालिम दिन थालिएको जानकारी दिएका हुन् ।

‘आज म घोषणा गर्न सक्छु कि अमेरिकाले जर्मनीका महत्वपूर्ण अमेरिकी सैनिक केन्द्रहरुमा युक्रेनी फौजलाई प्रशिक्षण शुरु गरेको छ ।’ किरबीलाई उद्धृत गर्दै कतारी टेलिभिजन च्यानल अल जजीराको अनलाइन संस्करणले जनाएको छ ।

उनीहरुलाई अमेरिकाको फ्लोरिडा राज्यको नेशनल गार्डले तालिम दिने पेन्टागनले जारी गरेको विज्ञप्तिमा उल्लेख छ ।

तोपखाना प्रणाली, रडार प्रणाली र बख्तरबन्द गाडीको उपयोगबारे प्रशिक्षण केन्द्रित रहेको बताइएको छ ।

यद्यपि अमेरिकाले तालिम दिने युक्रेनी सैनिकको संख्या भने केबल ५० को हाराहारीमा रहेको अल जजीराले जनाएको छ ।