यौन सम्बन्धले शारीरिक सुख मात्र नभई मानसिक रूपमा पनि व्यक्तिलाई सहज अवस्था प्रदान गर्छ । सातामा २ पटकसम्म यौन सम्बन्ध राख्दा यसले शारीरिक सुखसँगै शरीरमा विभिन्न स्वास्थ्य लाभ प्रदान गर्दछ ।

यस्तो छ यौन सम्बन्धका सकारात्मक प्रभावहरू

– यौन सम्पर्कका बेला शरीरबाट केही यस्ता हर्मोन बाहिरिन्छन्, जसले शरीरको दुखाई कम गर्न सहयोग गर्छ ।

– आरामको निन्द्राका लागि यौन सम्पर्क लाभदायी हुन्छ । विशेष गरी पुरुषहरू यौन सम्पर्क पछि राम्रोसँग निदाउने गर्छन् ।

– यौन सम्बन्धमा तनावबाट मुक्त गराउन सक्ने क्षमता हुन्छ । यसलाई तनाव मुक्त हुने प्राकृतिक उपायका रूपमा समेत लिइन्छ ।

– विभिन्न रोग लाग्ने जीवाणुसँग लड्ने क्षमता बिस्तारमा पनि यौन सम्बन्धको सकारात्मक भूमिका खेल्दछ ।

– सातामा दुई पटकसम्म यौन सम्बन्ध कायम गर्ने व्यक्तिमा रोग प्रतिरोधात्मक प्रणाली बलियो हुन्छ ।

– यौन सम्बन्ध र मस्तिष्कको क्षमताबिच सकारात्मक सम्बन्ध हुन्छ । व्यक्तिको वैचारिक सीप वा क्षमतामा समेत यौन सम्बन्धले राम्रो प्रभाव पर्ने गर्छ ।

– मुटुसम्बन्धी रोगको जोखिम कम गर्न यौन सम्बन्ध प्रभावकारी हुन्छ । सातामा दुई वा सो भन्दा बढी पटक यौन सम्बन्ध कायम गर्ने व्यक्तिमा मुटु सम्बन्धी रोग वा समस्याको जोखिम कम हुन्छ ।

– प्रोस्टेटको सुरक्षाका लागि पनि यौन सम्बन्ध फाइदाजनक हुन्छ । बारम्बार वीर्य स्खलन हुँदा प्रोस्टेट क्यान्सरको जोखिम कम गर्न सहयोग गर्छ ।