काठमाडौँ- कपिल शर्मा शो अहिले बन्द छ । किनकि कपिल शर्मा सहित शोका प्राय सदस्यहरू अमेरिका – क्यानडा टुरमा छन् । उनीहरूको टुरकै कारण शो केही समयको लागि रोकिएको छ ।

तर, कपिलसहित टिम प्रत्यक्ष रूपमा दर्शकसँग साक्षात्कार गरिरहेको छ । शोकै क्रममा कपिलले आफ्नो पत्नी गिन्नी चतरथसँग माफी मागेका छन् । उनले एक भिडियो इन्स्टाग्राममा सेयर गरेका छन् ।

जहाँ कपिलले भनेका छन् , ‘गिन्नी, तिमीले मेरो कुरा कहिल्यै सुन्दैनौ, हेर त कति मानिसहरू मलाई सुन्न आएका छन् ।’ कपिलले यो भिडियो पोस्टको क्याप्सनमा लेखेका छन्, ‘सरी गिन्नी चतरथ’ । कपिलको यो भिडियोमा धेरैले कमेन्ट गरिरहेका छन् ।

कपिललाई उनका फ्यानले छिटै शो ल्याउन आग्रह गरिरहेका छन् । यद्यपि उनी आफ्नो टुर सकाएर कहिले शो ल्याउनेछन् ? यो अझैँ तय गरिएको छैन ।