काठमाडौं– युक्रेनमा रुसी आक्रमण शुरु भएयता रुसबाट जर्मनीले ९ अर्ब १० करोड डलर भन्दा धेरैको खरिद गरेको तथ्यांक सार्वजनिक भएको छ ।

स्वतन्त्र शोध समूह सेन्टर फर रिसर्च अन इनर्जी एण्ड क्लिन एअरका अनुसार युक्रेनमाथि आक्रमण थालेको दुई महिनामा जर्मनीले ९ अर्ब १० करोड डलरको रुसी इन्धन खरिद गरेको हो ।

समग्रमा भने रुसले गत फेब्रुअरी २४ यता ६६ अर्ब ५० करोड डलरको इन्धन निर्यात गरेको तथ्यांकमा उल्लेख छ ।

पानीजहाजको गतिविधिको विश्लेषण, पाइपलाइनमार्फत तेल आपूर्तिको निगरानी र ऐतिहासिक मासिक व्यापारको अनुमानका आधारमा तथ्यांक सार्वजनिक गरिएको अन्तर्राष्ट्रिय समाचार संस्था एपीले जनाएको छ ।

एपीका अनुसार यसबारे जर्मन पक्षले टिप्पणी गर्न अस्वीकार गरेको छ ।