भारत– बलिउड अभिनेता अक्षय कुमार अभिनीत पछिल्लो फिल्म ‘बच्चन पाण्डे’ असफल रह्यो ।

त्यसअघि रिलिज भएको ‘द कश्मीर फाइल्स’ को कारणले अक्षयको फिल्मको कलेक्सन पचास करोडमै रोकियो । त्यसपछि रिलिज भएको फिल्म ‘आरआरआर’ ले फिल्मलाई हलमा बाँकी नै रहन दिएन ।

यी यस्तै कारणले हाइप ठीकठाक हुँदा हुँदै पनि फिल्म फ्लप भयो ।

यसैकारण हुन् सक्छ अक्षयको नेक्स्ट फिल्म डिरेक्ट ओटीटीमा रिलिज हुने भएको छ । अक्षय अभिनीत फिल्म ‘मिशन सिन्ड्रेला’ ओटीटी प्लेटफर्म डिज्नेप्लस हटस्टारमा प्रिमियर हुनेछ ।

फिल्मलाई आउँदो अप्रिलमा प्रिमियर गर्ने निर्माण पक्षले निर्णय गरेका छन् । रञ्‍जित एम तिवारी निर्देशित फिल्म ‘मिशन सिन्ड्रेला’ मा अक्षयसँगै राकुल प्रीत सिंह , गुरप्रीत सिंह, सर्गुन मेहतालगायतको अभिनय रहेको छ ।

फिल्मको बजेट एक सय ७५ करोड भनिएको छ । भारतीय मिडियाले फिल्मलाई डिज्नेप्लसले दुई सय करोड दिएको उल्लेख गरेको छ । फिल्म आउँदो महिना अप्रिल २९ मा प्रिमियर गर्ने तयारी डिज्नेप्लसले गरेको छ ।