काठमाडौँ– गायिका भावना आचार्यको ‘चट्ट रातो सारीमा देखिन्छु रे परी म’ बोलको गीतको भिडियो सार्वजनिक भएको छ । हिन्दू नारीहरूको महान् पर्व तीजलाई लक्षित गरी गायिका भावनाले सार्वजनिक गरेको गीतमा उनकै शब्द र संगीत रहेको छ । गीतमा भावनालाई अभिनयमा मनिता खुलालले साथ दिएकी छन् ।

भावना र मनितासँगै अशोक धिताल र दिलिप ओखेडाको अभिनय रहेको भिडियोमा गम्भीर विष्टको निर्देशन तथा मुकेश हुमागाईँको छायांकन रहेको छ । भिडियोमा कविता तोलंगीको मेकअप रहेको छ ।

नविन निरौलाले सम्पादन गरेको भिडियो गायिका स्वयम्‌कै अफिसियल च्यानलबाट बजारमा आएको हो । यसअघि भावनाका बग्ने खोला, मुलको पानी, बोल्दैन फोटो, लगायतका गीतहरूले राम्रो चर्चा बटुलेका थिए ।