काठमाडौं– अमेरिकी रक्षामन्त्री लोयड अष्टिनले अमेरिकाले ‘रुस कमजोर भएको’ देख्न चाहेको बताएका छन् । बीबीसीका अनुसार पत्रकार सम्मेलनका क्रममा रक्षामन्त्री अष्टिनले अमेरिकाले रुस कमजोर भएको देख्न चाहेको बताएका हुन् ।

उनले अमेरिकाले ‘युक्रेनमा आक्रमण गरेजस्तो अरु कुनै पनि गतिविधि गर्न नसक्ने स्तरमा रुस कमजोर भएको’ देख्न चाहेको बताएका हुन् ।

उक्त पत्रकार सम्मेलनमा रक्षामन्त्री अष्टिनले सही सहायता पाएको खण्डमा युक्रेनले जारी युद्ध जित्नसक्ने पनि टिप्पणी गरेको बीबीसीले जनाएको छ ।

युक्रेनी राष्ट्रपति भोलोदिमिर जेलेन्स्कीसँग भेटवार्ता गर्न अमेरिकी विदेशमन्त्री एन्टोनी ब्लिन्केनसँगै युक्रेनको राजधानी किभ पुगेका अष्टिनको भनाइलाई निकै चासोका साथ हेरिएको छ ।

उनीहरुको युक्रेन भ्रमणका क्रममा अमेरिकाले थप सैन्य सहायता उपलब्ध गराउने बाचा गरेको जनाइएको छ ।