सुर्खेत – नेकपा एमालेका महासचिव शंकर पोखरेलले पाँच दलीय गठबन्धन सत्ता स्वार्थका लागि मिलेको आरोप लगाएका छन् ।
कार्यकर्ता प्रशिक्षण कार्यक्रममा सहभागी हुन सुर्खेत पुगेका पोखरेलले आज बिहान आयोजित पत्रकार सम्मेलनमा गठबन्धनले स्वार्थका लागि सत्ताको प्रयोग गर्ने प्रवृत्ति बढेको बताए ।
नेकपा एमाले सरकारबाट बाहिरिएपछि मुलुकको आर्थिक अवस्था नाजुक बनेको पोखरेलको दाबी छ । विकास निर्माणका कामहरु ठप्प रहेको उल्लेख गर्दै पोखरेलले लकडाउनको समयमा भन्दा पनि कम विकास खर्च कम भएको उल्लेख गरे ।
गठबन्धन सरकारले नागरिकता विधेयक पारित गरेपछि असन्तुलन पैदा भएको पोखरेलको भनाइ छ ।
प्रतिक्रिया