सर्लाही– महिन्द्रा समूहको महिन्द्रा इलेक्ट्रिक मोबिलिटी लिमिटेडले सर्लाहीको मलंगवामा ट्रियो नामक लिथियम–आइओन सञ्चालित इलेक्ट्रिक थ्री–ह्विलर ट्रियो इलेक्ट्रिक अटो सार्वजनिक गरेको छ ।

बिहीबार मलंगवामा कार्यक्रम गरी कम्पनीले ट्रियो इलेक्ट्रिक अटो सार्वजनिक गरेको हो ।

महिन्द्राको अधिकृत ईभी वितरक अग्नि इनर्जीले नेपालमा ट्रियो बिक्री गर्नेछ । महिन्द्रा ट्रियोसँग ग्राहकले वार्षिक पेट्रोल अटोको तुलनामा दुई लाख बचत गर्न सक्ने कम्पनीले दाबी गरेको छ ।

कार्यक्रममा मलंगवाका मेयर निप्सल शाह, उपमेयर सबनम भिकरानी, उद्योग वाणिज्य संघ र चेम्बर अफ कमर्शका पदाधिकारी, महिन्द्रा एन्ड महिन्द्राका तर्फबाट सेल्स हेड ग्लोबल वोल्र्डका हिमांशु अग्रवाल, महिन्द्रा एन्ड महिन्द्रा बाट नेपालका कन्ट्री हेड चैतन्य कगल्कार, दीपककुमार कन्ट्री म्यानेजर, महिन्द्रा इलेक्ट्रिका सेल्स म्यानेजर अमित शाह, अग्नि एनेर्जीका तर्फबाट एजि एम प्रमोद भण्डारी, अग्नि इनर्जीको मलंगवाका लागि बिक्रेता वैष्णवी ट्रेडर्सका प्रबन्ध निर्देशक वीरेन्द्रप्रसाद शाहलगायतको उपस्थिति थियो ।