काठमाडौँ– क्विन, तन्नु वेड्स मन्नु जस्ता फिल्म खेलेर बलिउडमा सय करोड क्लबकी हिरोइन बनेकी कंगना रनौतको समय पछिल्लो समय ठीकठाक छैन । उनले अभिनय गरेको फिल्म हेर्न दर्शक हलसम्म पुग्ने गरेका छैनन् । मणिकर्निका, थलाइभीपछि हालै रिलिज भएको धाकड फिल्म समेत बक्स अफिसमा असफल रह्यो । हलमा दर्शकले हेर्न जाँगर नचलाएपछि ‘धाकड’ ले ओटीटीमा आउन निकै सास्ती खेप्नु पर्‍यो । हलमा नचलेको यो फिल्म किन्न ओटीटीले पनि अस्वीकार गरेपछि फिल्मलाई ओटीटी रिलिजमा समस्या परेको थियो । 

यद्दपी यसलाई अब ‘जी फाइभ’ ले रिलिज गर्ने भएको छ । फिल्म जुलाई १ मा रिलिज हुनेछ । हप्ताभरमा यो फिल्मले जम्मा ३ करोड कमाइ गरेको ‘धाकड’ ले भने रिलिजपछि थप पैसा पाउने आसमा ओटीटीमा बिक्री भएको थिएन ।

अहिले रिलिजपछि बेच्न खोज्दा कसैले पनि यो फिल्म किन्न रहर नगरेपछि ‘जी फाइभ’ ले सस्तो मूल्यमा लिएको हो । ‘लेडी सुपरस्टार’ को ट्याग पाएकी कंगनाले पछिल्लो समय दर्शकको साथ पाउन छाडेकी छिन् ।