काठमाडौं– पछिलो २४ घण्टामा रुसी फौजले युक्रेनमा महत्वपूर्ण उपलब्धि हासिल गर्न नसकेको बेलायती रक्षा मन्त्रालयले जनाएको छ ।

बेलायती रक्षा मन्त्रालयले सामाजिक सञ्जाल टि्वटरमार्फत रुसी सैनिकहरुले युक्रेनमा महत्वपूर्ण उपलब्धि हासिल गर्न नसकेको बताएको हो ।

‘बढ्दो गतिविधिका बावजुद पछिल्लो २४ घण्टामा तीव्र युक्रेनी प्रत्याक्रमणका कारण रुसी फौजले कुनै ठूलो उपलब्धि हासिल गर्न सकेका छैनन् ।’ बेलायतको सैनिक जासुसी निकायको ब्रिफिङलाई उद्धृत गर्दै बीबीसीले जनाएको छ ।

उक्त ब्रिफिङमा ‘युक्रेनी हवाई एवम् समुद्री रक्षाको प्रभावकारिताका कारण’ रुसी नौसेना र वायुसेनाले सम्बन्धित क्षेत्रमा नियन्त्रण जमाउन नसकेको ।’ उल्लेख छ ।

र ‘मारिउपोल शहर कब्जा गर्ने उनीहरुको भनाइका बावजुद युक्रेनी प्रयासलाई हतास पार्ने भीषण लडाइँहरू भइरहेका छन् ।’