काठमाडौं- संयुक्त राष्ट्रसंघका महासचिव एन्टोनियो गुटेर्रेसले युद्ध अन्त्यको पहलका लागि रुस र युक्रेनको भ्रमण गर्ने भएका छन् ।

उनी पहिला यही अप्रिल २६ मा रुस जाने र २८ मा युक्रेन जाने तय भएको संयुक्त राष्ट्रसंघको समाचार संस्था युएन न्युजले जनाएको छ ।

उनले दुबै देशमा त्यहाँका विदेशमन्त्री तथा राष्ट्रपतिसँग भेटवार्ता गर्ने बताइएको छ ।

रुसमा गएका बेला उनले राष्ट्रपति भ्लादिमिर पुटिन र विदेश मन्त्री सेर्गेइ लाभ्रोभलाई भेटेर युक्रेनमाथिको आक्रमण रोक्न आग्रह गर्नेछन् ।

त्यसपछि उनी युक्रेन पुगेर त्यहाँका उच्च अधिकारीहरूसँग भेटवार्ता गर्नेछन् ।

 ‘युक्रेन भ्रमणका लागि पनि महासचिवले तयारी गर्नुभएको छ सहायक प्रवक्ता एरि कानेकोले भने  । युक्रेनमाथि रुसको आक्रमण जारी रहेका बेला राष्ट्रसंघका महासचिवको भ्रमणलाई निकै चासोका साथ हेरिएको छ ।