काठमाडौँ- शिक्षा, विज्ञान तथा प्रविधिमन्त्री देवेन्द्र पौडेलले शिक्षा क्षेत्रमा निजी क्षेत्रले गरेको लगानीलाई सरकारले सुरक्षा गर्ने बताएका छन् । 

बुधबार काठमाडौँमा निजी तथा आवासीय विद्यालय अर्गनाइजेशन प्याव्सनको शिक्षा मन्दिर उद्घाटन गर्दै मन्त्री पौडेलले शिक्षा क्षेत्रको सुधारका लागि निजी क्षेत्रलाई पनि समावेश गरेर अघि बढ्ने र निजी क्षेत्रको लगानीलाई सुरक्षा गर्ने बताएका हुन्। 

उहाँले शिक्षा क्षेत्रको सुधारका लागि निजी क्षेत्रले राखेका विषयहरुलाई राज्य गम्भीर रहेको उल्लेख गरे। मन्त्री पौडेलले शिक्षा प्रणाली सुधार गर्नु राज्यको एक्लो दायित्व नभएकाले त्यसका लागि निजी क्षेत्रको पनि उत्तिकै आवश्यकता रहने जिकिर गरे। विद्यार्थीहरुबाट कम शुल्क लिएर गुणस्तरीय शिक्षा दिन उनले ध्यानाकर्षण गराए।

उनले शिक्षा ऐनलाई समयसापेक्ष संशोधन गर्दै अघि बढिने जानकारी दिए।