रामेछाप — प्रहरीले बैंकिङ कसुरको आरोपमा रामेछापबाट एक जनालाई पक्राउ गरेको छ । लिखु तामाकोसी गाउँपालिका ६ रामेछापका कृष्णबहादुर खड्कालाई बैंकिङ कसुरको आरोपमा प्रहरीले पक्राउ गरेको हो ।
दोलखाको मेलुङ गाउँपालिका घर भई हाल रामेछाप मन्थली १ बस्ने सुजुकी कार्कीको जाहेरी अनुसार खड्कालाई पक्राउ गरिएको जिल्ला प्रहरी कार्यालय रामेछापले जनाएको छ । खड्काविरुद्ध परेको मुद्दामा उच्च अदालत पाटन ललितपुरबाट साउन १५ मा पक्राउ पूर्जी जारी भएको थियो ।
उनलाई आइतबार राति रामेछापको मन्थली नगरपालिका १ सानीमदौबाट पक्राउ गरिएको प्रहरीले जनाएको छ । उनलाई अदालतबाट ७ दिन थुनामा राख्न म्याद थप गरी अनुसन्धान अघि बढाइएको प्रहरीले जनाएको छ ।
प्रतिक्रिया