काठमाडौँ– अमेरिकाले झन्डै एक दशकमा पहिलो पटक अमेरिकामा पोलियोको विरामी भेटिएको बिहीबार जनाएको छ । न्यूयोकको स्वास्थ्य विभागले म्यानह्याटनबाट ४८ किलोमिटर उत्तरमा रहेको रकल्याण्ड काउन्टीमा बस्ने एक व्यक्तिमा यो रोग भेटिएको परीक्षणपछि पुष्टि गरेको हो ।

रोग नियन्त्रण तथा रोकथाम केन्द्रका अनुसार अमेरिकामा सन् २०१३ मा अन्तिम पटक पोलियोको बिरामी भेटिएको थियो ।अधिकारीहरूले स्वास्थ्यकर्मीहरूलाई थप घटनाहरूको प्रतीक्षा गर्न चेतावनी दिए र खोप नलगाएका इलाकाका मानिसहरूलाई पोलियो खोपको मात्रा लिन आग्रह गरेका छन् ।

न्यूयोर्कको स्वास्थ्य विभागले भनेको छ, ‘यसले सङ्केत गर्छ कि यो भाइरस अमेरिकाबाहिरको कुनै स्थानमा उत्पन्न भएको हुनसक्छ जहाँ ओपीभी दिइन्छ किनकी निष्क्रिय खोपबाट उल्टो तनाव उत्पन्न हुन सक्दैन ।’

अमेरिकामा सन् १९८८ पछि पोलियोको सङ्ख्या ९९ प्रतिशतले घटेको छ । सन् १९८८ मा १२५ वटा देशमा पोलियो फैलिएको थियो भने विश्वभरि ३,५०,००० बिरामीको सङ्ख्या रेकर्ड गरिएको थियो । संयुक्त राज्य अमेरिकामा सन् १९५० दशकको अन्ततिर र १९६० दशकको सुरुतिर खोप विकास भएपछि पोलियोको नाटकीय ढङ्गमा कमी आएको थियो ।